Yoga
Gott er að heyra viðbrögð einsog þessi og þessi.
Svona lagað einsog hefur verið í gangi undanfarið er lítið skemmtilegt til aflestrar.
Skemmtum ekki skrattanum - öll dýrin í skóginum eig'að vera vinir.
Nú er bara að slappa af í yoga með George Bush jr. lúkkalæk á S1 hummmmm, hummmmmm...

Sá vægir sem vitið hefur meira
Sumu er ekki svaravert en ég spyr mig: get ég látið skrif Magnúsar halda áfram?
Og ég neyðist til svara mér: nei
Hins vegar hef ég alltaf tekið orðatiltækið "sá vægir sem vitið hefur meira" alvarlega og ætla því að leyfa nýjustu skrifum Magnús að dæma sig sjálf.
Það er bara vonandi að öll greddusvínin (hér megið þið geta um hvern ég er að tala, segi ekki meir) fái að ota sínum tota um helgina, þá kannski skána þeir þegar þeir hafa fengið að tappa af sér mestu greddunni.
Lifið heil!

ps...
Minni ykkur öll á að endilega kjósa hér beint fyrir neðan um offarir manna.

Skrif þessi eru ekki ætluð til að kalla á frekari skrif, einungis til að ljúka umræðunni endanlega, já ég segi endanlega, af minni hálfu. Þeir sem hafa eitthvað við þau að athuga er bent á að senda mér póst og láta aðra óskilda aðila framvegis vera í árásum sínum á mig. Takk fyrir!

Kox-mania
Enn ein kosningin:

Ágúst vs. Magnús og Geir Ág

Fóru menn offarir í skrifum sínum Ágúst Magnús Geir Ág enginn hvað meinar'u?

Nýleg niðurstaða

Frjálsar ástir!

Úti í kuldanum?
Þessi hafa unnið sér það helst til frægðar, í mínum huga, að vera .tripod.com einsog undirritaður og fleiri.

Inga Hrund

Ragnar Torfi

Aftursætisbílstjóri með attitjút (?)
Já ekki er öll vitleysan eins. Var að lesa lýsingu Magnúsar á mér. Sem betur fer hef ég húmor fyrir sjálfum mér, nokkuð sem hann greyið skortir. Hvað um það, ég skrifaði allavega þetta í gestabókina hjá Munnangurs-Magnúsi:

Þessi lýsing þín á mér er einhver sú skemmtilegasta sem ég hef lesið, passar að vísu ekki alveg en skemmtilegt engu að síður. Kíktu í kaffi einhvern tímann, þá getum við bíttað á frímerkjum.

Dulkvóðun
Ég er sko engan veginn að fíla þetta dulkvóðunarkerfi RSK fyrir skil á RSK 1.04. Vesenið í kringum það er að kosta mig þátt allra landsmanna, arftaka Hemma Gunns, Djúpu laugina.
Geta þeir ekki fengið einhverja íslenska tölvunörda til að fixa fyrir sig almennilegt system? Þannig þetta verði fljótt og gott. En bakk tú bissniss...

Að læra af reynslunni
Óli, sem er einn af þeim sem ekki er hægt að vísa í einstaka færslur hjá, segir orðrétt: (og enn og aftur nota ég "blockquote" sem er orðið einkenni mitt þessa dagana)

Já, sumt fólk lærir ekki af reynslunni. Hann Ágúst er búin að vera að reyna að svara Geirag og fleiri karlrembum að undanförnu. Ágúst virðist ekki gera sér grein fyrir því að sumu er best að svara ekki. Eva og Sigga áttuðu sig á því að best er að svara ekki. Nú er ég ekki að taka afstöðu í þessum málum heldur aðeins að benda á að sú aðferð sem að Ágúst beitir (reyna svæfa fólk) er ekki sú besta. Það að svara mönnum eins og Geirag eflir þá aðeins. Annars verð ég að segja að ég er sammála ýmsu sem að þeir karlrembu félagar skrifa en annað er bara hlægilegt.
Hvernig er það annars með hann Ágúst? Er hann ekki í vinnu?
09:29

Jú Óli minn, ég er í vinnu, og það tvöfaldri. Ég vinn vaktavinnu á þessum stað sem "stöðvarstjóri þurrhreinsistöðva", sem felur það í sér að það er á minni könnu að láta vélasamstæðurnar sem minnka mengunina frá álverinu virka, ditta að, þrífa, laga, hreinsa stíflur o.þ.h. Þegar ég er í fríi frá álverinu í miðri viku þá vinn ég á skrifstofunni hjá pabba gamla, sem er endurskoðandi. Hins vegar gerir vaktavinnan í álverinu það að verkum að þá daga sem ég vinn þar er ég oftast að koma heim á miðnætti og skrifa þá iðulega eitthvað tuð í bloggið mitt.
Varðandi orð þín um að ég svaraði títtnefndum á rangan hátt er ég algjörlega sammála, og skrif mín hafa ekki verið ýkja skemmtileg undanfarið. Ég bara á oft bágt með að halda mér saman, sem ég hefði e.t.v. betur gert.
Og að lokum, Óli Bjarki, endilega settu svona "a name=" í templeitið þitt svo maður geti vísað í bloggið þitt. Nánari upplýsingar.

TVG
Þar sem ég nota Netscape, og hlýt þar með að vera ennþá undarlegri fyrir vikið, þá get ég ekki lesið skrif Tómasar V. Hins vegar varð ég forvitinn þegar ég sá að hann hafði skrifað fyrir einsog tveimur tímum síðan.
Hann tjáir sig um mig og skoðanir mínar. Hann getur ekki ímyndað sér hvaðan þær koma, greinilega svo fjarlægar í hans huga. Sorry að líf mitt snúist ekki um ljóskur á Pizza Hut og brúnettur í skóbúðum!

Drengurinn virðist fela í sér einhverja minnimáttarkennd gagnvart lesbískum og tvíkynhneigðum stúlkum enda get ég ímyndað mér að hann eigi erfitt með að sætta sig við að hann sé ekki hið æðsta goð sem kvenfólkið hefur nokkurn tíman augum litið.

Okey, ef rökin eru að ég sætti mig ekki við að ég sé æðsta goð bla bla bla þá er þessi klausa afgreidd ómerk.
Kvennaathvarfsbúinn veður í sömu villu og GeirÁg. Hann virðist lesa út úr orðum mínum að ég telji karl og konu það sama. Strákar mínir, ég hélt því aldrei fram, skil ekki hvernig þið fáið það út. Það sem ég sagði var að alhæfingarnar "konur eru allar lessur" og "engar konur kunna á tölvu" væru rangar. Bætti um betur með að ásaka Geir um hitt og þetta í ljósi skrifa hans einsog ég er marg búinn að segja.

Auðvitað er þetta ekki algilt enda væri þá lífið heldur leiðinlegt og svarthvítt, eins og Ágúst virðist vilja hafa það enda þar ungur og óreyndur drengur þar á ferð sem á eftir að brenna sig á hinúm ýmsu hlutum á næstu árum og óska ég honum góðs gengis í að sleikja upp sár komandi ára og í uppgjörunum sem gera honum kleift að þroskast á aðeins viturlegri hátt en hann hefur gert hingað til...

Díses kræst! Já, lífið er í sauðalitunum og ég bý í bænum Pleasantville og þakka þér Tómas fyrir hugulsemina í minn garð, og get aðeins vonað að ég að verði einhvern tímann að sönnu karlmenni, vitrum manni, svona einsog þú Tommi.

Gleymdi næstum í hita leiksins
Þó ég sé orðinn seinn... til hamingju Eva og Björgvin!

Skrifin sem hér fara á eftir
Af mínum löstum vil ég byrja að játa á mig ein. Ég á mjög bágt með að halda mér saman þegar ég les svona nokkuð. Það er eina ástæðan sem ég finn til að afsaka að ég skuli nú ætla að hafa fyrir því að svara labbakúti. Nú skal gengið skipulega til verks:
Hér er linkur á geirag.homepage.com sem er heimasíða Geirs til að spara mér að linka í textanum sem hér fer á eftir.

1)
Geir hefur fyrir því að búa til nýja síðu undir skrif sín, en segir þó á aðalsíðu sinni:

Af hverju er ég ekki að svara til saka við stúlku út af skrifum mínum? Föttuðu þær kannski um hvað ég væri að tala og hvar glettni og alvara skildu að? Gerir það einhver? Mér er vissulega alvara en glettnin er engu að síður til staðar.

Geir minn, ef þú segir "Gyðingar eru nískir" eða "Arabar eru glæpahyski" býstu þá virkilega bara við að fá svör frá Gyðingum eða Aröbum? Mér misbauð sem karlmanni að heyra slíkan þvætting sem skrif þín voru og svaraði þeim. Vonbrigði þín að þurfa að svara fyrir þau gagnvart karlmanni eru þitt vandamál.

2)
Geir hefur upp raust sína á sér-síðunni með þessum orðum:

Sæti litli súkkulaðistrákurinn hann Ágúst hefur verið iðinn við kolann upp á síðkastið að úthúða mér og fleirum á heimasíðunni sinni. Ég vissi ekki af tilvist þessa manns fyrr en miskunnsamur samverji benti mér á slóðina í þeirri von um að þessar árásir aftan að mér kæmu upp á yfirborðið.

Aftan að þér, já. Koma upp á yfirborðið, okey. Vissulega má segja að ég hafi verið að "úthúða þér" og "fleirum", sem eru þá væntanlega skrif mín um Magnús. Ekki get ég skýrt út hvernig skrifin hafa farið fram hjá þér enda svosem alveg sama. Ef þú ert einsog fíll í feluleik sem heldur að það sem ÞÚ sjáir ekki sjáist ekki yfirhöfuð, þá bendi ég þér á að ég hef ekki verið með neitt pukur í kringum skrif mín, nema síður sé. Einnig vakti Eva athygli á skrifum mínum, þannig ég skil ekki alveg hvert þú stefnir með þessu.

3)
Þú ásakar mig um að lesa bara valdar setningar úr skrifum þínum og greina ekki á milli "gefa ástæðu" og "afsaka". Geir minn, það sem ég átti við er að ef ég segi: "Þjóðverjar eru frekir" og bæti við "það er mín reynsla" er ég í raun og veru að viðurkenna að þessi alhæfing mín standi mjög völtum fótum þar sem óhugsandi er að heil þjóð geti verið dæmd á kynnum mínum af örfáum einstaklingum, hvað þá ef hálft mannkynið eru "Þjóðverjarnir". Ef þú vilt kalla þessa "gefnu ástæðu" mína fyrir skoðun minni á Þjóðverjum, svo ég haldi áfram með samlíkinguna, eitthvað annað en afsökun, þá ætla ég ekki að velta mér upp úr heimspekilegum vangaveltum um sögnina "afsaka" og orðasambandi "að gefa ástæðu".

4)
Svo telur þú upp analýsingu mína á þér, byggða á skrifum þínum - mín persónlega skoðun sem ég bað þig í umræddum skrifum mínum að afsaka ef þessi persónlega tilfinning mín fyrir persónunni Geir Ágústssyni væri röng. Og enn vitna ég í skrif þín, Geir:

...og var það eitthvað fleira sem ímyndarafl þessarar mannleysu datt í hug? Jú hann bjó til "bjórdrykkju/fótbolti/vanþroska-genið" handa mér, gaf mér hillingar fyrir Star Wars og öllu sem því fylgir ásamt minnimáttarkennd þegar ég var ungur sveinn. Er það upptalið? Það vona ég! Ætli það heilli kvenfólkið að tala illa um þá sem hafa aðra sýn á kvenfólki en femínistar?

Enn heldur þú þig á hinum gullna málefnalega vetvangi, einsog þér einum er lagið. Fyrst var ég sætur lítill súkkulaðistrákur (kem að því seinna) og nú er ég versta mannleysa. Jæja!
Genið bjó ég ekki til, ég vitnaði aðeins í þrífa/elda-genið sem þú taldir mögulega orsök meints tölvuólæsis kvenna. Ég er enginn Kári Stefánsson en ég hef aldrei heyrt um eitthvert sér-femínskt eldabuskugen, en vildi endilega að þú bentir mér að heimildir þess efnis, ef þú gætir, Geiri boy.
Merkilegt hvað þér sárnar að þessu kaldhæðnisættaða meinta macho-geni skuli vera klínt á þig. Nóg um það, StarWars er fyrir mér tákngervingur tilvistarkreppu eftir-kvennabaráttu-karlmannsins, afturhvarf til þeirra gömlu góðu daga, barnæskunnar þegar strákar gátu barist með sverðum í bakgarðinum heima og leikið riddara, svona Benjamín-Dúfa fílingur. Upp úr þessum draumum barnæskunnar bjó George Lucas til StarWars-bálkinn. Merkilegt að ef þetta er framtíðin, hvar eru konurnar? En að þessum útúrdúr slepptum þá vil ég spyrja hvað þú átt við með þessari síðustu spurningu þinni, ég skil ekki alveg hvað þú meinar, ef þú átt við að ég hafi skrifað þetta til að ganga í augun á kvenfólki, er það misskilningur, svo yfirborðskenndur er ég ekki.

5)
Svo segist Geir ekkert hafa við þessu að segja nema:

Ágúst minn, litli froðufellandi reiði maður, sem greinilega telur sig hafa alla hluti nægilega mikið á tæru til að ausa úr orðabók illskunnar yfir aðra þeim að óvörum, ég vil bara benda þér á heimasíðuna mína og í þetta sinn skaltu hafa það í huga að "gefa ástæðu" er ekki sama og "afsaka", og einnig það að ég segi hreinlega frá því sem ég upplifi í kringum mig og mér sama þótt meirihluti manna sé á öndverðri skoðun. Ég segi bara mína hlið í eins auðskiljanlegu máli og mér er unnt en ef afleiðingarnar eru þessir þvílíku útúrsnúningar af þinni hálfu þá held ég að vandamálin liggi hjá þér en ekki mér.

Enn kemur lýsing á mér. Ég tel mig ekki hafa osið úr orðabók illskunnar yfir aðra, þeim að óvörum. Er þá ekki líka hægt að segja að þú hafir osið úr orðabók holdlegrar fýsnar þinnar yfir kvenfólk með skrifum þínum? Nei, ég segi nú bara svona. Gott er að menn segi sína skoðun, en ef þeir, sumsé ÞÚ, geta ekki tekið andsvörum/rökum á móti/gagnrýni, þó svo að viðkomandi andsvör/rök á móti/gagnrýni sé þeim ekki að skapi, þá vorkenni ég þeim, sumsé ÞÉR. Ég skrifa reiðilestur minn sem andsvör við þínum skrifum og bendi þér á, að því er mér þykir, rökleysi þitt og vissulega gagnrýni þínar skoðanir og þú getur ekki tekið því. Þetta er sami vandi og margur einræðiherrann hefur átt í, að kunna ekki að taka gagnrýni. Það er eitt af því sem flestallir læra smátt og smátt með aldrinum. Því verður þú að fyrirgefa mér að ég skuli leyfa mér að kalla svona lagað barnaskap af þinni hálfu. Ef þú telur mig snúa út úr þínum skrifum í andsvörum mínum, þá er þetta allavega sú mynd sem ég fæ af lestri þinna skrifa. Túlkun mín er byggð á því sem ég les út úr skrifum þínum og ef þú telur mig misskilja hljóta annaðhvort skrif þín vera svona misvísandi eða ég er að misskilja.

6)
Þú segir mér að fullorðnast ekki svona fljótt og tekur undir orð mín í 5. lið að hluta með þessum orðum:

...það er óþarfi að nöldra yfir því hvað aðrir eru að segja þótt gagnrýni sé alltaf ómetanleg meðan hún er gerð af manni með skýra hugsun.

Okey, ég gæti tekið þessu sem aðdróttunum um að ég hafi ekki skýra hugsun en kýs að gera það ekki, þar sem ég auk þess myndi ekki nenna að svara slíku.
Þar að auki vil ég benda þér á að ég hef ekki séð South Park og stefni ekki á að sjá þá þætti/bíómynd. Húmor fólks er misjafn og ef þú fílar "brandara - fáðu þér brjósthaldara" þá er það þitt mál, ekki mitt, ég ætla ekki að kalla þig vanþroskað fífl, né þá sem South Park hlægir. En það sem þú ert að vitni í með þessu eru það sem ég sagði um Magnús, þá var ég bara að líkja honum við töffarann á leikskólanum sem veður uppi með (á leikskólamælikvarðann) sorakjafti.

7)
Geir heldur áfram:

Ef ég sé mun á konum og körlum þá er það ekki þitt að æsa þig. Brostu bara og hugsaðu þér nú hvað heimurinn væri leiðinlegur ef kynin væru eins utan öðruvísi kynfæra og hvað hann væri ennþá leiðinlegri ef súkkulaðiljósabrúnir bílastyrktir pabbastrákar með stuttan þráð eins og sumir víst eru væru eitthvað algengari í þjóðfélaginu en nú er orðið.

Er það ekki mitt að æsa mig upp? Hverra þá? Ef ég segði að allir karlar væru skápahommar inn við beinið ætti þá enginn að segja neitt, kannski á þeim forsendum að því væri ekki svara vert en ef ég má nú ekki viðra skoðun mína á sama málefni og þú tjáir þig um, m.ö.o. svara skrifum þínum. Ef þú vilt meina að ég sé að æsa mig upp, þá er nokkuð til í því, rétt einsog ef þú segðir Hitler hafa gert mesta greiða fyrir mannkynið með útrýmingarbúðum sínum, þá myndi ég æsa mig upp, m.a.s. mun meira en ég gerði síðustu daga.
Enn ýjar þú að súkkulaðibrúnku minni og verð ég að svara því - hér neðar.

8)
Þar sem Geir varð svo títtrætt um muninn á "afsaka" og "gefa ástæðu" þá vil ég benda honum á að í eðli sínu eru orðin "takmarkanir" og "takmörk" ekki samheiti, en ætla ekki að fetta fingur frekar út í það og lesa um "takmarkanir kvenfólks" einsog ég skil hvert höfundur er að fara.
Það að kynin séu ólík - því mótmæli ég ekki. Hins vegar mótmæli ég öllum alhæfingum og dylgjum um að kvenfólk sé svona og hinsveginn (í tvíræðri merkingu þess orðs). Uppeldi og þjóðfélagsaðstæður móta fólk meira en Geir gerir sér greinilega grein fyrir, rétt einsog ég benti honum á.
Nú veit ég ekki við Geir hefur vanist en tel, í ljósi commenta einsog "þrífa/elda-genið", að Geir sé ekki það sem á íslensku kallast "jafnréttissinni" og á ég þá ekki við "femínisti" en munurinn, svo það fari ekki á milli mála, er sá að jafnréttissinnar, einsog ég, eru almennt á þeirri skoðun að jafnrétti skuli ríkja í þjóðfélaginu á milli kynjanna. Þannig er ég á móti kynjakvótum, nema að fólk finna sig knúið til að hafa slíka kvóta, þá á ég við að ef fólk vill frekar gæta þess að hafa jafnari skiptingu kynjanna þá sé það í lagi, en að lögbinda svo og svo stórt hlutfall á milli kynjanna tel ég fásinnu. Femínistar er sjálfsagt fylgjandi kynjakvótum o.þ.h. án þess þó að ég sé, eða telji mig, einhver sérfræðing í theorískri analýsingu á þessum hugtökum. Ég tel mig hinsvegar jafnréttissinna og tel m.a. að það sé ekki sjálfsagt að konur sinni stærra uppeldishlutverki en karlar, nú eða eldi oftar en karlar, þrífi og strauji. Kannski að mamma Geirs hafi gert þetta, rétt einsog mamma mín en tímarnir breytast og mennirnir með og vonandi að okkar kynslóð verði ekki smituð af kynjaskiptingu fyrri tíma.

9) Að lokum segir Geir:

Ef Ágúst er ennþá ruglaður í ríminu og vill aftur fara semja fúkyrðafullar ræður á heimasíðuna sína um mig þá vil ég kannski öllu frekar bjóða honum að senda mér póst svo ég fari ekki að neyðast til að eyða meira plássi á mínu vefsvæði undir einfalt skilningsleysi þess manns sem nú er talað til.

Ég tel mig núna ekki í fúkyrðasmíðum en á heimasíðuna fer þetta. Þú þarft ekki að eyða þínu verðmæta vefsvæði undir einfalt skilningsleysi mitt, Geir minn. Annars hélt ég að altavista gæfi ágætispláss, rétt einsog Þrífóturinn minn, 50mb. Þú ert kannski búinn að fylla svæðið af Jennu Jameson-myndum en menn sníða sér stakk eftir vexti, þú mátt senda mér póst, þú mátt senda mér póstkort eða blóm og þú mátt líka sleppa að svara þessu, þitt er valið Geir.

Ég skrifaði fyrir opnum tjöldum og mun skrifa fyrir opnum tjöldum. Ég lít og leit ekki á þetta sem persónlegar árásir né persónulega deilu, aðeins skoðanaskipti á milli tveggja manna með ólíkar skoðanir, ef ég hef sært þig þá biðst ég enn og aftur afsökunar, einsog ég tók fram í skrifum mínum um þig áður, það sem ég sagði var skoðun mín byggð á því sem ég las af skrifum þínum. Ég þekki persónuna Geir Ágústsson ekki neitt, rétt eins og persónan Geir þekkir persónuna Ágúst ekki neitt. Ef þú hefur tekið þessu persónulega, sem mér sýnist, þá er það þitt að vinna úr því. Ég vil þér ekkert illt og óska þér einskis ills. Ég er friðelskur maður en get stundum verið hvass í orðum, en er fyrstu manna til að biðjast afsökunar ef ég fer yfir strikið. Reyndu nú að anda rólega og fúkyrði þín í minn garð bíta eigi á mér, því af írskum þrælum er ég kominn og köllum við ekki allt ömmu okkar. Um útlit mitt og samfélagsstöðu hefur þú ekki rismikla heimildamenn, ég er ekki lítill sætur súkkulaðistrákur, heldur 1.90 rauðhærður rauðbristingur með öllu því sem því fylgir. Ekki veit ég til þess að ég hafi verið talinn til fallegri manna, nema síður sé. Ímynd þín af Verzló er þitt vandamál og ætla ég ekki að svara fyrir hana. Ekki erum við Verzlingar allir súkkulaðibrúnir, þar sem rauðbristingshúð mín endist í 5 mín. í sól og eftir það tekur hún að brenna og fuðrar fljótt upp, hefur þetta ollið mér vandkvæðum í sólarlandaferðum og þekkir húð mín aðeins tvo liti: hvítt og rautt.
Að kalla mig "súkkulaðiljósabrúnan bílastyrktan pabbastrák með stuttan þráð" er fyndið því þær sakir hef ég einar til unnið að ég er, einsog sögur fara af rauðhærðum, með lítt-langan sprengiþráð, og ef að nýta sér gúddvill föður síns hjá verkstæðum og tryggingafélögum er bílastyrkur, þá er ég sekur en mömmustrák myndi ég mig frekar telja en pabbastrák, ef í þá sálma er farið.

En nú þykir mér aldeilis nóg komið. Ekki er oft sem ég finn til þvílíkrar þarfar til að svara nokkru einsog í kvöld. Ef þér hefur tekist að komast í gengum þessa langloku, óska ég þér til hamingju. Ef ég hef móðgað einhvern eða sært, biðst ég afsökunar. Ég ætla ekki að vera siðapostuli, en mér finnst að sumir ættu að sýna þann manndóm að gera slíkt hið sama, og við fleiri en mig.

Ágúst Flygenring

Að vera hafnað
Eitt er að setja fram furðulegar skoðanir, annað er að reyna að afsaka þær. Maður sem segir ýmislegt misjafnt um konur, afsakar þær ekki með að segja að sú skoðun hans sé byggð á eigin reynslu, nema viðkomandi geri sér grein fyrir að skoðanir hans séu á skjön við heilbrigða skynsemi og jafnvel er viðkomandi nógu sjálfmeðvitaður til að vita að skoðanir hans eru umfram allt byggðar á eigin minnimáttarkennd og ótta við hið ókunna eða e.t.v. vegna vonbrigða viðkomandi og tilhneigingu hans til að skella skuldinni á aðra og firra sjálfan sig af allri ábyrgð á eigin vesæld og volæði (í kvennamálum).
Ég hef yfirleitt talið sjálfan mig til friðelskandi manna. En stundum þarf maður að kasta englavængjunum, hér á ég við Geir Ág. og verður hann að afsaka orð mín ef þau eru á misskilningi byggð.

Andlegur vanþroski
Flestir skrifarar hins íslenska bloggsamfélags eru hæfilega málefnalegir í skrifum sínum. Þó eru til undantekningar. Sumir virðast þurfa að fela sig á bak við einhverjar grímur, nema viðkomandi sé svona furðulega gerður og þurfi þá að leita sér hjálpar. Slík minnimáttarkennd og barnaskapur er vandfundinn meðal siðmenntaðs fólks. Slíkum mönnum er vorkunn sem þurfa að vera með kúk og piss húmorinn á lofti, eða ætti frekar að tala um typpi og píku húmorinn í þessu samhengi. Minnir á aðaltöffarann á leikskólanum sem heldur velli með að hæfilega hneyksla fóstrurnar og hina krakkana með misfögrum munnsöfnuði og "dónabröndurum". Það kæmi mér ekki á óvart að ef að maður mætti þeim sem hér um ræðir á förnum vegi, myndi hann reyna að vekja aðdáun manns með ropa Öxar við ána. Sá sem þetta skirfar lítur ekki á sig sem einhvern siðapostula, eða trúboða. Sá sem þetta skrifar telur sig samt meðal siðmenntaðra manna og vorkennir umræddum Magnúsi fyrir að þurfa að kalla sig Rambó, Skrattann eða öðrum álíka nöfnum og auk þess að geta yfirleitt ekki skrifað um neitt nema með lágkúrulegu yfirskini, gott dæmi eru skrif hans um Djúpu laugina, þann skemmtilega-misheppnaða þátt á S1. Nú væri maður nú ekkert að fetta fingur út í þetta ef viðkomandi væri vanþroska 13-14 ára unglingsgrey sem væri ekki alveg að meika veröldina einsog hún er. En maður býst við að fullorðið fólk hagi sér einsog þroskaðir einstaklingar, einsog segi ég, því vanþroski birtist í misjöfnum myndum.

RSK
Hinn illahannaði Álagningar- og innheimtuseðill 2000 hefur ýmist glatt eða grætt landsmenn í dag og í gær. Það sem ég rak helst augun í er að útsvarið í Hfj. er 0,11% hærra en landsmeðaltal, það er 1% dýrara að greiða útsvar í firðinum en annarsstaðar. Ekki er öll vitleysan eins. En þar sem ég greiddi ekkert útsvar á síðasta ári, ætla ég ekki að ergja mig yfir þessari ósanngirni. En þess má geta að niðurstaða seðilsins er mitt einkamál.

Húrra, húrra, húrra, húrra!

Ljósvaki
Nú er Get It On með T Rex á VH-1, þeir hafa verið rosalega speisaðir þarna 1971, þvílík lukka í hjarta mínu núna þegar Jón Ólafsson Ltd. er búið að opna fyrir bezta popptíví í geimi. Þrátt fyrir einstaka mis-skemmtilega flytendur er tónlistin yfirleitt einsog sniðin fyrir mig, svona Gull/Stjarnan/Létt/Bylgjan mix, m.a.s. fá sniglingar á borð við Frank Sinatra að taka lag og lag.
Hvenær ætli tónlistarmyndböndin gangi alla leið? Núna er eitthvað leiðinlegt lag með einhvurri Kylie M... sem er gott dæmi um hvernig kvenlíkaminn er notaður til að grípa athygli veiklundaða kynsins. Hálfberar rasskinnar og hálfgegnsær klæðnaður fyrir ofan mitti svo sem minnst verði eftir fyrir ímyndunaraflið - þetta er uppskriftin að velgengni fyrir lélegar söngkonur. Dæmi: Spice Girls, Britney Spírs og María Carey (myndbandið þar sem hún kemur upp úr sundlauginni er óborganlega aumkunarvert). Að vísu hafa myndbönd verið gerð þar sem fullnaktir líkamar sjást, t.d. man ég eftir einu eitís myndbandi sem gekk alla leið, lagið var hins vegar ómerkilegt og hljómsveitin algjörlega óþekkt í dag. Ekki er ég að gagnrýna nakta tónlistarmenn, bara þá sorglegu staðreynd að markaðsfræðingarnir geti komið tónlistarkonum á kortið með því einu að láta sem mest af skrokknum sjást. John og Yoko gerðu það að vísu, en gerðu þó góða tónlist. T.d. efast ég um að Aretha Franklin hefði náð langt á skrokknum einum saman, nú eða Jói Kokkur sem er nú að syngja um hve fallegur ég er.
Annars finnst mér við hæfi að ljúka þessu tuði mínu með orðum George Harrison um nútímatónlistarmenn:

"Kosturinn við myndbönd Spice Girls er mute-takkinn"

Enn um Rás 1
Í kvöld, eftir 10-fréttir, las einhvur kella upp úr Afródítu eftir Isabellu Alliende, klukkan 11 tók svo Jón Ormur (stórkostlegt nafn!) við og ræddi við Hallgrím Helgason, aðallega um Sjeikspír. Hvort um sig, á sinn hátt, athyglisvert útvarpsefni. Rás 2 var hins vegar með sína 3. flokks dagskrá að vanda. Get my point?

Geir-fugl
Geir nokkur Ágústsson henti fram tveimur fullyrðingum í kvöld:

1) Kvenfólk getur ekki athafnað sig sjálfstætt í tölvu.
&:
2) Kvenfólk er annað hvort lesbískt eða tvíkynhneigt.

Þar sem ég hef ekkert þarfara að gera ætla ég að taka mig til og benda Geirfyglinu á eftirfarandi atriði vegna fyrri fullyrðingarinnar:

Eva Halldórsdóttir

Sigríður Reynisdóttir

eBay.com

Ég held að sumir láti bjórdrykkju/fótbolti/vanþroska-genið ráða för.

Og syni nafna míns vil ég benda á þessa punkta vegna annarrar fullyrðingar hans:

Þrír af hverjum fjórum karlmönnum dreymir "lessbíska drauma" skv. alþj. könnunum.

Eru 75% karlmanna þá lesbíur ókomnar út úr skápnum?

Trú okkar og samfélagið í heild sinni hefur síðustu árþúsundin gert karlmönnum ókleift að lifa sem manneskjur vegna macho-spartverskrar karlímyndar sem enn lifir góðu lífi, þó mýkri sé orðinn.

Rómverjum og Forn-Grikkjum þótti sjálfsagt að ota sínum tota í munaðarsveina svokallaða. (Markús Árelíus þótti furðulegur fyrir að nýta ekki "þjónustu" umræddra sveina, Commodus átti "kvennabúr" með 300 konum og 300 sveinum).

Standardinn í þjóðfélaginu hefur áhrif á gjörðir manna. Í þjóðfélögum þar sem framhjáhald er litið saklausum augum er það stundað grimmt, þó ekki allir geri það. Í þjóðfélögum þar sem hugtakið sam/gagnkynhneigð var óþekkt, og þótti sjálfsagt að menn væru upp á karlhöndina jafnt sem kvenhöndina, bligðaðist stór hluti karlmanna sín ekki fyrir að lifa kynlífið sem kallast tvíkynhneigð í dag. Sumir hafa e.t.v. gert það fyrir tilbreytinguna, aðrir verið hommar, ættinni varð að viðhalda og því áttu allir sína fjölskyldu líka.

Skv. þessu þá hefur sagan sýnt okkur að ef það þykir í lagi fyrir karlmenn að lifa tvíkynhneigðu lífi, gerir stór hluti þeirra það, hvað segir það þér Geir?

Gagnkvæm hrifning sem getur orðið hjá læriföður og nemanda taldi Freud vera mjög merkilegt samband, eitthvað sem væri meira en "bara" hrifning. Freud var fæddur 1856, var Gyðingur og sagði að það væri okey að hafa kenndir, ef hann hefði bætt því við að það væri ekki dauðasynd að hrífast af eigin kyni, hefði hann ekki skotið sig í fótinn, heldur höfuðið. Eru kenndir til ákveðinnar persónu af sama kyni svo sterkt merki að "stimpla" skal allar kenndir viðkomandi og viðkomandi sjálfan fyrir þær. Ef þig langar til að lemja e-n náunga sem, jah til að frummaðurinn geti skilið hvað ég er að fara, segjum, reynir við kærustuna/konuna þína, og þú lætur verða af því, ertu þar með stimplaður ofbeldisfullur?

Kynkvötin er ásamt árásarkvötinni helstu kvatir okkar skv. Freud. Gengur upp að annað kynið laðist að hinu og sínu eigin? Ætti ekki það sama að ganga yfir bæði í grófum dráttum?

Rökin með misnánu vinkonur þínar á fylliríum: pass!

Er þetta ekki einhver draumur hjá þér, einsog hinum 75% um tvær konur -> karl með tveimur konum.

Annars hef ég það á tilfinningunni að Geir Ágústsson sé þessi náungi sem dreymir um stóran sportbíl eða jeppa. Myndi bón'ann og pússa og liggja í'onum í bílskúrnum um helgar, yfir sig upptekinn af tippalengingunni sinni. Kæmi ekki á óvart að hann sé þessi gaur sem sá StarWars í hillingum, strákar á flottum geimskipum, konurnar bara ein prinsessa og nægur tími til að skylmast með sjálflýsandi reðurtáknum, gaman gaman. Lítill strákur með minnimáttarkennd í líki fullorðins manns. Er ég fullharður við greyið, mér finnst ekki. Slíðraðu reðurtáknið, Geir minn, og biddu skynsamara kynið afsökunar á þessu framferði þínu.
Rauðir sokkar!!!

Bla bla bla
Af hverju getur fólk ekki sett svona >a name="akkeri"< inn í templítið sitt?
Sjá nánar hér